–गोकर्णप्रसाद तिवारी
अमेरिका । अमेरिकामा रहेका तामाङ्ग समुदायले यो वर्ष पनि धुमधामका साथ सोनाम ल्होसार मनाउने भएका छन् । अमेरिकामा पुगेर पनि आफ्नो धर्म र संस्कृतिको संरक्षणार्थ लागि परेका विशेष गरी तामाङ्ग समुदायले सोनाम ल्होसार धुमधामका साथ मनाउन लागिएको बताएका छन् । तामाङ्ग कोओपरेसन सोसाइटी अफ क्यालिफोर्नियाको आयोजनामा हुन लागेको यसवर्षको सोनाम ल्होसार कार्यक्रमलाई भव्य बनाउन चर्चित पप गायक निमा रुम्बा लगायतका अन्य चर्चित कलाकारहरुले सांगीतिक प्रस्तुती पस्कनेछन् । उहाँले यसवर्षको कार्यक्रमलाई विगतको भन्दा थप सभ्य र भव्य बनाउने तयारी भै रहेको बताउनुभयो ।
यस्तै कार्यक्रम आयोजक समितिका कोअर्डिनेटर प्रेम लामाले यसपटक सोनाम ल्होसार–झ्या ल्हो २८५३, चरावर्षको रुपमा मनाइन लागिएको भन्दै कार्यक्रममा सहभागी हुन सबैलाई विशेष आग्रह गर्नुभएको छ । कार्यक्रममा स्थानीय कलाकारकार साथै हास्यव्यंग्य क्षेत्रकी चर्चित कलाकार डोल्मा लामा ह्योल्मो लगायतले पनि विशेष खालको सांस्कृतिक प्रस्तुती पस्कने भएकी छन् । कार्यक्रम निम्न मिति, समय र स्थानमा हुन लागेको बताइएकोछ ।
प्रकाशित मिति: बुधबार, माघ १२, २०७३
-1733641946.jpg)
-1732776560.jpg)
-1732776560.jpg)
