काठमाडौँ । भारतमा कोरोना संक्रमण लगातार तीव्र गतिमा बढिरहेको छ । पछिल्लो २४ घण्टामा एक लाख २६ हजार ७८९ जनामा संक्रमण पुष्टि भएको भारतको स्वास्थ्य मन्त्रालयले जनाएको छ ।
बुधबार कोरोनाका कारण ६८५ जनाको ज्यान गएको छ । सरकारी तथ्यांक अनुसार भारतमा अहिलेसम्म कोरोनाको कारण एक लाख ६६ हजार ८६२ जनाको ज्यान गइसकेको छ ।
अहिले भारतमा सक्रिय संक्रमितको संख्या ९ लाख १० हजार भन्दा बढि छ भने, अहिलेसम्म ९ करोड एक लाख ९८ हजार भन्दा बढिले कोरोना भाइरसविरुद्धको खोप लगाएका छन् ।
भारतमा कुल संक्रमितको संख्या एक करोड २९ लाख भन्दा बढि नाघिसकेको छ ।
प्रकाशित मिति: बिहीबार, चैत २६, २०७७
