काठमाडौँ । नेपाल स्टक एक्सचेञ्ज (नेप्से) मा दुई कम्पनीको शेयरमूल्य समायोजन भएको छ ।
महिला सहयात्रा लघुवित्त वित्तीय संस्था लिमिटेड र सिर्जना फाइनान्स कम्पनी लिमिटेडको बोनस शेयरमा मूल्य समायोजन गरिएको हो ।
महिला सहयात्रा लघुवित्त वित्तीय संस्था लिमिटेडको १० प्रतिशत बोनस शेयर पछि नेप्सेले प्रतिकित्ता एक हजार एक सय ४५ रूपैयाँ कायम हुने गरी शेयरमूल्य समायोजन गरेको हो ।
नेप्सेले अन्तिम कारोबार मूल्य एक हजार २ सय ५९ रुपैयाँका आधारमा मूल्य समायोजन गरेको हो ।
त्यसैगरी सिर्जना फाइनान्स कम्पनी लिमिटेडको १३.५९ प्रतिशत बोनस सेयर पछि नेप्सेले प्रतिकित्ता १८५ रूपैयाँ कायम हुने गरी शेयरमूल्य समायोजन गरेको हो ।
नेप्सेले अन्तिम कारोबार मूल्य २१० रुपैयाँका आधारमा मूल्य समायोजन गरेको छ ।
प्रकाशित मिति: आइतबार, चैत १, २०७७
-1732776560.jpg)
