काठमाडौँ । पछिल्लो २४ घण्टामा नेपालमा ७८ जनामा कोरोना भाइरस संक्रमण पुष्टि भएको छ । स्वास्थ्य मन्त्रालयका अनुसार मंगलबार मुलुकका विभिन्न प्रयोगशालामा गरिएको परीक्षणमा ७८ जनामा संक्रमण पुष्टि भएको हो ।
योसँगै हालसम्म नेपालमा कोरोना भाइरसबाट संक्रमित हुनेको संख्या २ लाख ७४ हजार २९४ पुगेको छ ।
पछिल्लो २४ घण्टामा थप ७२ जना कोरोना संक्रमणमुक्त भएका छन् । हालसम्म कोरोनामुक्त हुनेको संख्या २ लाख ७० हजार ५ सय ४३ रहेको छ । नेपालमा कोरोनाबाट मृत्यु हुनेको संख्या २ हजार ७ सय ७७ रहेको छ ।नेपालमा ९७४ सक्रिय संक्रमित रहेका छन् । ६२ जना क्वारेन्टाइनमा रहेका छन् ।
प्रकाशित मिति: मंगलबार, फागुन १८, २०७७
-1732776560.jpg)
