काठमाडौँ । अमेरिकामा उडिरहेको विमानको इन्जिनमा आगलागी हुँदा आकस्मिक अवतरण गरिएको छ । डेन्वरमा बोइङ्ग ७७७ को एकभागमा आगलागी भई भग्नावशेष स्थानीयको घरमा झरेको थियो।
सो विमानमा २३१ यात्रु र १० जना चालकदलका सदस्य थिए। सबै यात्रु सकुशल रहेको बताइएको छ ।
विमानको एक भागमा आगलागी भएको थियो । यद्यपि उक्त विमान डेन्वर विमानस्थलमा सुरक्षित रूपमा अवतरण गर्न सफल भएको अमेरिकी सञ्चारमाध्यमले जनाएका छन्।
स्थानीय प्रहरीका अनुसार विमानको भग्नावशेष ब्रूमफिल्डका एक बासिन्दाको घरको बगैँचामा खसेको छ ।
प्रकाशित मिति: आइतबार, फागुन ९, २०७७
