काठमाडौँ । नेपालमा पछिल्लो २४ घण्टामा थप २३२ जनामा कोरोना भाइरसको संक्रमण पुष्टि भएको छ। शनिबार स्वास्थ्य तथा जनसंख्या मन्त्रालयले दिएको जानकारी अनुसार पछिल्लो २४ घण्टामा ३ हजार ५४१ जनामा पिसिआर परिक्षण गर्दा २३२ जनामा कोरोना पुष्टि भएको हो।
योसहित हालसम्म संक्रमित हुनेको कुल संख्या २ लाख ६९ हजार १८० पुगेको छ।
पछिल्लो २४ घण्टामा ३८६ जना कोरोना संक्रमित संक्रमणमुक्त भई डिस्चार्ज भएर फर्किएका छन्। योसहित कोरोनाबाट निको हुनेको कुल संख्या २ लाख ६३ हजार ७३४ पुगेको छ।
त्यस्तै, कोरोना संक्रमणबाट शनिबार थप ८ जनाको मृत्यु भएको मन्त्रालयले जनाएको छ। योसँगै कोरोनाबाट मृत्यु हुनेको संख्या एक हजार ९९४ पुगेको छ।
प्रकाशित मिति: शनिबार, माघ १०, २०७७
