काठमाडौँ । पछिल्लो २४ घण्टामा देशभर थप ९ सय ३६ जनामा कोरोना भाइरसको संक्रमण देखिएको छ। मंगलबार स्वास्थ्य मन्त्रालयका अनुसार पछिल्लो २४ घण्टामा थप ९ सय ३६ जनामा कोरोना पुष्टि भएको हो।
पछिल्लो २४ घण्टामा १ हजार ९९६ जना कोरोना संक्रमणमुक्त भएर फर्किएका छन्। योसहित कोरोनाबाट निको हुनेको संख्या २ लाख ३८ हजार ५६९ पुगेको छ।
त्यस्तै, यसको संक्रमणबाट आज थप १४ जनाको मृत्यु भएको मन्त्रालयले जनाएको छ। योसँगै कोरोनाबाट मृत्यु हुनेको संख्या एक हजार ७ सय ३० पुगेको छ।
प्रकाशित मिति: मंगलबार, मंसिर ३०, २०७७
-1732776560.jpg)
