काठमाडौँ- नबराज पराजुलीको कवितामा आधारित छोटो सिनेमा ‘छाउपिडा’ आज (शनिबार) सार्वजनिक हुँदै छ । आज युट्युबबाट सार्वजनिक हुने भएको हो ।
के.सी. डान्स सेन्टरको प्रस्तुति रहेको यो सिनेमाको कथा, पटकथा, सम्बाद तथा निर्देशन अभिनेता सरोज खनालले गरेका छन् ।
महिलाहरुमा हुने प्राकृतिक प्रक्रिया महिनाबारीको पिडामा आधारित यो सिनेमामा रीमा के सी, रुबिना श्रेष्ठ तथा बाल कलाकारहरु ऋचा ढकाल, आयुशा ढकाल, रोमा भण्डारी, रीया श्रेष्ठ, अङ्किता कोइराला र दिप्ती अधिकारीले अभिनय गरेका छन् ।
करिब १५ मिनेट लामो यो सिनेमाको छायांकन समिर मानन्धर र सम्पादन राजिब श्रेष्ठ र बिक्रम सापकोटाको रहेको छ । सम्पूर्ण शुटिङ्ग अमेरिका मै भएको यो सिनेमाको निर्माता नबीन के सी र लुना श्रेष्ठ हुन् ।
प्रकाशित मिति: शनिबार, मंसिर २७, २०७७
