काठमाडौं– पछिल्लो २४ घण्टामा नेपालमा १ हजार ३ सय ४३ जना कोरोना संक्रमित थपिएका छन्। योसँगै नेपालमा कुल संक्रमितको संख्या २ लाख ३७ हजार ५८९ पुगेको स्वास्थ्य तथा जनसंख्या मन्त्रालयले जानएको छ ।
यसैगरी पछिल्लो २४ घण्टामा काठमाडौं उपत्यकामा २५० महिला र ३११ पुरुष गरी ५६१ जना कोरोना संक्रमित थपिएका छन्। काठमाडौंमा ४५५ , ललितपुरमा २६ र भक्तपुरमा ८० जनालाई कोरोना संक्रमण देखिएको स्वास्थ्य मन्त्रालयले जनाएको छ ।
यसैगरी थप १३ जना कोरोना संक्रमितको मृत्यु भएको छ। योसँगै मृतकको संख्या १ हजार ५ सय ५१ पुगेको छ । यसैगरी आज २ हजार १ सय ११ जना संक्रमणमुक्त भएका छन्। योसँगै कोरोनामुक्त हुनेको संख्या २ लाख २० हजार २ सय ७२ पुगेको छ।
नेपालमा हालसम्म १७ लाख ६३ हजार ९ सय १९ जनाको पिसिआर परीक्षण भएको छ। नेपालमा हालसम्म कुल संक्रमितमध्ये १५ हजार ७ सय ६६ जना सक्रिय संक्रमित छन्।
प्रकाशित मिति: बिहीबार, मंसिर १८, २०७७
-1732776560.jpg)
