प्रधानमन्त्री केपी शर्मा ओलीले टिकटक अकाउन्ट खोलेका छन्। प्रधानमन्त्रीको सचिवालयका अनुसार @kpsharmaoli_official ह्याण्डल सञ्चालनमा आएको हो। आइतबार बनाइएको उनको अफिसियल अकाउन्ट भेरिफाइड समेत भइसकेको छ।
प्रधानमन्त्रीको पहिलो भिडिओमा एक लाख भ्युज कटेको छ । नयाँ पुस्तामाझ टिकटक चर्चित छ । प्रधानमन्त्रीको सचिवालयका एक सदस्यले छलफल गरेर नै सञ्चालनमा ल्याइएको बताए।
अहिलेसम्म ओलीको आधिकारिक अकाउन्टमा एउटा भिडियो मात्रै अपलोड गरिएको छ । यो समाचार तयार पार्दासम्म भिडियोको भ्युज झण्डै १ लाख ९४ हजार, १४ हजारभन्दा बढी लाइक आइसकेको छ। हाल ३१३० जनाले फलो गरेका छन्।
प्रकाशित मिति: सोमबार, मंसिर १५, २०७७
