काठमाडौं- पछिल्लो २४ घण्टामा काठमाडौं उपत्यकामा ८२२ जना कोरोना संक्रमित थपिएका छन्। संक्रमित हुनेमा ३७९ महिला र ४४३ पुरुष छन्। योसँगै उपत्यकामा एक लाख ७ हजार १२४ जना व्यक्ति संक्रमित भएका छन्।
काठमाडौंमा ५९९, ललितपुरमा १६० र भक्तपुरमा ६३ जनालाई कोरोना संक्रमण देखिएको छ। त्यसैगरी, आज काठमाडौंमा ३, ललितपुर ७ जना कोरोना संक्रमितको मृत्यु भएको छ।
पछिल्लो २४ घण्टामा नेपालमा १७०३ जना कोरोना संक्रमित भेटिएका छन्। योसँगै नेपालमा कुल संक्रमितको संख्या २ लाख २९ हजार ३४३ पुगेको छ।
आज थप २३ जना कोरोना संक्रमितको मृत्यु भएको छ।योसँगै कोरोना संक्रमित मृतकको संख्या १ हजार ४ सय ३५ पुगेको स्वास्थ्य तथा जनसंख्या मन्त्रालयले जनाएको छ। यसअघि बिहिबार पनि २३ जना संक्रमितको मृत्यु भएको थियो।
नेपालमा हालसम्म १७ लाख १० हजार ४६० जनाको पिसिआर परीक्षण भएको छ। हाल क्वारेन्टाइनमा ६०१ रहेको मन्त्रालयले जनाएको छ। नेपालमा हालसम्म कुल संक्रमितमध्ये १७ हजार ३३७ जना सक्रिय संक्रमित छन्।
प्रकाशित मिति: शुक्रबार, मंसिर १२, २०७७
-1732776560.jpg)
