काठमाडौं- पछिल्लो २४ घण्टामा देशभर १६१४ जना कोरोना संक्रमित थपिएका छन्। यो संगै नेपालमा कुल संक्रमितको संख्या २ लाख २७ हजार ६ सय ४० पुगेको छ।
आज कोरोना संक्रमणबाट २३ जनाको मृत्यु भएको छ। यो संगै मृत्यु हुनेको संख्या १४१२ पुगेको स्वास्थ्य तथा जनसंख्या मन्त्रालयले जानकारी गराएको छ।
आज देशभर १६ हजार ७ सय ९३ जना सक्रिय संक्रमित रहेको मन्त्रालयले जनाएको छ।पछिल्लो २४ घन्टामा देशभर २३ जना कोरोना संक्रमितको मृत्यु भएको छ।
पछिल्लो २४ घण्टामा थप १ हजार ४ सय ३६ जना कोरोना संक्रमित संक्रमणमुक्त भएका छन्। देशका विभिन्न आइसोलेसनबाट उनीहरू निको भएर घर फर्किएको स्वास्थ्य तथा जनसंख्या मन्त्रालयले जनाएको छ।
अहिलेसम्म कुल दुई लाख ९,४३५ सङ्क्रमित निको भएको सरकारी तथ्याङ्क छ। अर्थात् नेपालमा सङ्क्रमित निको हुने दर ९२ प्रतिशत छ।
प्रकाशित मिति: बिहीबार, मंसिर ११, २०७७
-1732776560.jpg)
