काठमाडौँ– पछिल्लो २४ घण्टामा देशभर १ हजार ९ सय ८० जना कोरोना संक्रमित थपिएका छन् । योसँगै नेपालमा कुल सङ्क्रमितको संख्या २ लाख २२ हजार २८८ पुगेको स्वास्थ्य तथा जनसंख्या मन्त्रालयले जानकारी दिएको छ।
यसैगरी मन्त्रालयका अनुसार देशभर आज थप १६ जनाको कोरोना सङ्क्रमणबाट मृत्यु भएको छ। योसँगै कोरोना संक्रमित मृतकको संख्या १ हजार ३ सय ३७ पुगेको छ ।
यसैगरी आज ३ हजार ४३ जना कोरोना संक्रमणमुक्त भएका छन्। योसँगै कुल निको हुनेको संख्या २ लाख २ हजार ६७ पुगेको छ।
नेपालमा हालसम्म १६ लाख ६७ हजार ४५६ जनाको पिसिआर परीक्षण भएको छ। हाल क्वारेन्टाइनमा ६२९ रहेको मन्त्रालयले जनाएको छ। नेपालमा हालसम्म कुल संक्रमितमध्ये १८ हजार ८८४ जना सक्रिय संक्रमित छन्।
प्रकाशित मिति: सोमबार, मंसिर ८, २०७७
-1732776560.jpg)
