काठमाडौं– नेपालमा आज थप २१ जना कोरोना सङ्क्रमणबाट निधन भएसँगै मृत्यु हुनेको संख्या ११ सय नाघेको छ । आइतबार थप २१ जना संक्रमितको मृत्यु भएपछि कुल मृतकको संख्या १ हजार १ सय ८ पुगेको स्वास्थ्य तथा जनसंख्या मन्त्रालयले जानकारी दिएको छ।
यसैगरी पछिल्लो २४ घण्टामा उपत्यकामा १५३३ सहित देशभर २८१७ जना संक्रमित भएका छन् । स्वास्थ्य तथा जनसंख्या मन्त्रालयका प्रवक्ता डा जागेश्वर गौतमका अनुसार आज काठमाडौंमा १२९४, ललितपुरमा १६२ र भक्तपुरमा ७७ जना संक्रमित थपिएका छन्।
हाल देशभर ३५ हजार ४१९ जना सक्रिय संक्रमित छन्। कोरोनाको आशङ्कामा हालसम्म १५ लाख ४० हजार ०७७ जनाको पिसिआर परीक्षण भएको छ।
यो वृद्धिसँगै नेपालमा पुष्टि भएका सङ्क्रमितको कुल सङ्ख्या १,९४,४०० नाघेको छ। तीमध्ये ८१.१ प्रतिशत अर्थात् १,५७,९२६ जना सङ्क्रमणमुक्त भएका छन्।
पछिल्लो २४ घण्टामा २,८१२ जना निको भएको मन्त्रालयले जनाएको छ। शनिवार २,७५३ जनामा सङ्क्रमण र जनाको मृत्यु भएको पुष्टि भएको थियो।
प्रकाशित मिति: आइतबार, कात्तिक २३, २०७७
-1732776560.jpg)
