काठमाडौं। यसपटक उदयपुर जिल्लामा पर्याप्त मात्रामा सयपत्री फूलहरू फुलेका छन्। विगतका वर्षभन्दा यस पटक सयपत्री फूलहरू पर्याप्तमा फुलेका कारण तिहारमा फूलको कुनै कमी नहुने स्थानीयले जनाएका छन्।
जिल्लाको त्रियुगा नगरपालिकाको गाइघाटसहित राजाबास बोक्से, श्रीपुर, बगाहा, जोगिदह तथा चौदण्डी नगरपालिकाको बेल्टार बसाहार, कटारी नगरपालिकाको कटारी बजार, त्रिबेणी हरैया सहितका क्षेत्रमा पर्याप्त मात्रामा सयपत्री फूल फुलेका बताइएको छ।
त्रियुगा–९ गैरुनका शारदा दनुवारले यस पटक पर्याप्त मात्रमा वर्षा भएको कारण सयपत्री फूल फुलेका र तिहारमा फूलको कमी नहुने बताइन्। चौदण्डी बसाहका आरती खड्का पनि यस सयपत्री फूलहरू प्रशस्त मात्रामा फुलेको बताउँछिन्।
उनी भन्छिन्, ‘यस पटक वर्षा राम्रो भएको कारण सयपत्री फूलका फुलेका र विगतका वर्षमा जस्तो फूलको कुनै समस्या हुँदैन।’ रासस
प्रकाशित मिति: सोमबार, कात्तिक १७, २०७७
