काठमाडौं । पछिल्लो २४ घण्टामा काठमाडौं उपत्यकामा १६१५ कोरोना संक्रमित थपिएका छन् । काठमाडौंमा १ हजार ३ सय ३८, भक्तपुरमा ९७ र ललितपुरमा १ सय ८० जना संक्रमित भेटिएको मन्त्रालयले जनाएको छ।
गत २४ घण्टामा २ हजार ३ सय ६४ भेटिएसँगै सङ्क्रमितको संख्या १ लाख ६४ हजार ७ सय १८ पुगेको छ। कुल संक्रमितमध्ये ३८ हजार ९ सय ५२ जना सक्रिय संक्रमित छन्।
यसैगरी पछिल्लो २४ घण्टामा थप १७ जना कोरोना सङ्क्रमितको मृत्यु भएको छ। यो सँगै नेपालमा कोरोना संक्रमित मृतकको संख्या ९ सय ४ पुगेको स्वास्थ्य तथा जनसंख्या मन्त्रालयले जनाएको छ।
यसैगरी आज ३ हजार ३० जना कोरोना संक्रमणमुक्त भएका छन् । यो सँगै नेपालमा कोरोना संक्रमणमुक्त हुनेको संख्या १ लाख २४ हजार ८ सय ६२ पुगेका छन् ।
कोरोनाको आशंकामा गत २४ घण्टामा ९ हजार ७ सय ६९ जनाको पिसिआर परीक्षण भएको छ। यो सँगै पिसिआर परीक्षण हुनेको संख्या १४ लाख १९ हजार ६४ पुगेको छ।
प्रकाशित मिति: बिहीबार, कात्तिक १३, २०७७
-1732776560.jpg)
