काठमाडौँ । स्वास्थ तथा जनसंख्या मन्त्रलायका अनुसारका नेपालमा हाल कोरोना संक्रमित संख्या १ लाख ५९ हजार ८ सय ३० पुगेको छ । जसमध्ये कोरोना मुक्त हुनेको संख्या १ लाख १५ हजार ६ सय ७५ पुगेको छ । कोरोना सङ्क्रमणका कारण ८ सय ६२ जनाको निधन भएको छ । हाल सम्म पिसिआर टेस्ट गरेका संख्या १३ लाख ९८ हजार १ सय ७९ छ । मन्त्रलायका अनुसार ४३ हजार २ सय ९३ जना आइसोलेसनमा रहेका छन् भने २ हजार ९ सय ६९ जना क्वारेन्टाइनमा रहेका छन् ।
के भन्छन् सङ्क्रामक रोग विशेषज्ञरु ?
सङ्क्रामक रोग विशेषज्ञ डा। अनुप सुवेदी नेपालमा जाडोयामको आगमन र दशैँको अन्त्यसँगै स्थिति भयावह हुन सक्ने बताउँछन्। उनी भन्छन्,‘परीक्षण कम हुने गरेकोले अबका दुई–तीन दिन कम देखिन सक्छ। त्यसपछि दशैँ सकेर आवतजावत बढेसँगै ह्वात्तै बढ्न सक्ने देखिन्छ।’
‘आउँदा केही दिनमा दैनिक आठ–दश हजारसम्म पनि सङ्क्रमित देखिन सक्छन् ’ उनले भने।
नेपालमा पहिलो लहर नै नियन्त्रणमा आइनसकेको भन्दै उनी यही लहर नै घातक हुन सक्ने बताउँछन्। आउँदा दिनमा राज्य र नागरिक दुवै पक्ष उत्तिकै जिम्मेवार हुनुपर्ने डा। सुवेदीको सुझाव छ।
उनी भन्छन्, ‘आमनागरिकले सामाजिक दूरी कायम गर्ने र मास्क लगाउने लगायत जनस्वास्थ्यका मापदण्डको पालना गर्नुपर्छ भने सरकारले परीक्षण र कन्ट्याक्ट ट्रेसिङ बढाउनुपर्ने हुन्छ।’
प्रकाशित मिति: मंगलबार, कात्तिक ११, २०७७
-1732776560.jpg)
