काठमाडौँ । प्रधानमन्त्रीसहित मन्त्रिपरिषद्का सबै सदस्यले दशैं भत्ता वापतको रकम कोरोना कोरोना जम्मा गर्ने निर्णय भएको छ ।
सरकारका प्रवक्ता तथा सूचना तथा सञ्चार प्रविधिमन्त्री पार्वत गुरुङले प्रधानमन्त्री तथा मन्त्रीहरुले दशैं भत्ता वापतको रकम कोरोना कोषमा जम्मा गर्ने निर्णय भएको सोमबारको पत्रकार सम्मेलनमा जानकारी दिए ।
‘मन्त्रिपरिषद्का सबै सदस्यहरुले दशैं भत्ता वापतको रकम कोरोना कोषमा कोरोना रोकथाम तथा उपचारमा सघाउने गरी जम्मा गर्ने निर्णय भएको छ’, उनले भने, ‘संघीय मन्त्रीपरिषद्को निर्णयको मर्म अनुसार प्रदेश सरकारका मन्त्रीहरुलाई पनि कोषमा जम्मा गर्न आग्रह गर्ने निर्णय भएको छ ।’
सरकारले नेपालीहरुको महान चाड भएपनि अहिलेको अवस्थालाई दृष्टिगत गर्दै सामान्य ढंगले मनाउन समेत अनुरोध गरेको छ ।
प्रकाशित मिति: सोमबार, कात्तिक ३, २०७७
-1732776560.jpg)
