काठमाडौं । प्राथमिक बजारमा शेयर खरिद गर्न चाहने आवेदकको संख्या आकासिँदै गएको छ । बजारमा सूचीकृत हुने प्रत्येक साधारण निष्कासन (आईपीओ एफपीओ) मा आवेदन गर्नेको सङ्ख्याले नयाँ रेकर्ड कायम गर्न थालेको छ ।
अहिले प्राथमिक शेयरका खरिदका लागि आवेदन गर्न डिम्याट खाता खोल्नेको संख्या २० लाख नाघेको छ । सीडीएस एण्ड क्लियरिङ लिमिटेडका अनुसार आइतबारसम्म २० लाख ७३ हजार १ सय ६८ जनाले त्यस्तो एकाउन्ट खोलेका हुन् ।
शेयर बजारका विश्लेषक दिलिप मुनकर्मी नेपाल पुनर्बीमा कम्पनीको शेयर बजारमा आएपछि एकाएक आवेदकको संख्या बढेको बताउँछन् । पुनर्बीमा कम्पनीमा सबैले ४० देखि ५० कित्तासम्म शेयर पाएको र शेयर मूल्यसमेत ९ सय भन्दा माथिसम्म पुगेका कारण यसको हल्लाले नयाँ आवेदकलाई समेत बजारमा आउन प्रेरित गरेको उनको विश्लेषण छ ।
प्रकाशित मिति: सोमबार, असोज २६, २०७७
-1732776560.jpg)
