काठमाण्डौ। गीतकार, कलाकार तथा सामाजिक अभियन्ता भूमिका सुब्बाको नयाँ गीत ‘वनचरी’ सार्वजनिक भएको छ । ओएसआर डिजिटल युट्युब च्यालनबाट बिहिबार रिलिज गरिएको हो । गीतमा एउटी नारीको जीवन यात्रालाई समेटिएको छ । एउटी छोरीले जन्मदिने आमाप्रति दर्शाउने अगाध प्रेम र माइती गाउँका ‘नोस्टाल्जिया’ गीतमा प्रस्तुत गरिएको गीतकार सुब्बाले बताइन ।
सुब्बा आफै राम्रो गायिका समेत हुन । उनका मालिङ्गो सैसै, भूमिका र सङ्गिनी तीन ओटा सोलो एल्बम रहेका छन् भने आधा दर्जन भन्दा बढी संयुक्त गीतिसंग्रह बजारमा आएका छन् । बाल्यकालबाटै कलाकारिता क्षेत्रमा लागेकी सुब्बाको खास गरी जनवादी गायिकाको रुपमा फराकिलो परिचय रहेको छ । पछिल्लो समय उनी गीत लेखनमा लागेकी हुन । त्यसैको निरन्तरता हो वनचरी ।
चर्चित गायिका एलिना चौहानको स्वरमा सजिएको यो गीतमा पछिल्लो समय म्युजिक भिडियोमा रुचाइका कलाकार लक्ष्मी बर्देवाले जीवन्त अभिनय गरेकी छिन् । साजन राईको संगीत रहेको यस भिडियोको किरण चाम्लिङ राईले निर्देशन गरेका हुन ।
बीजू कर्माचार्यले एरेन्ज गरेको यो गीत भर्जिन भ्वाइसको स्टुडियोमा रेकर्ड गरिएको हो । भूपेन्द्र तुम्बाहाङ्गफेले छायाङ्कन गरेको भिडियोमा काठमाण्डौ उपत्यका छेउछाउँको ग्रामीण दृष्यहरू समेटिएका छन् ।
प्रकाशित मिति: बिहीबार, असोज २२, २०७७
-1733641946.jpg)
-1732776560.jpg)
