काठमाडौं । अनशनरत डा गोविन्द केसी र सरकारका प्रतिनिधिबीचबीच औैपचारिक वार्ता सुरु भएको छ । मेडिकल एवं शैक्षिक सुधारका ६ बुँदे माग राख्दै केसीले अनशन शुरु गरेका थिए।
अनसनको २४ दिनमा सरकारले बुधबार दिनमा तीन सदस्यीय वार्ता समिति बनाएलगत्तै केसीका तर्फबाट पनि चार सदस्यीय वार्ता टोली सार्वजनिक गरिएको थियो ।
डा केसीका तर्फबाट डा जीवन क्षेत्रीको संयोजकत्वमा ४ सदस्यीय वार्ता टोली गठन भएको थियो । जसमा नेपाल चिकित्सक संघका पूर्व अध्यक्ष डा अञ्जनीकुमार झा, संघका वर्तमान अध्यक्ष डा. लोचन कार्की र ओमप्रकाश अर्याल रहेका छन्। बार्ता शिक्षा मन्त्रालयमा हुँदै छ।
सरकारले शिक्षा मन्त्रालयका सचिव गोपीनाथ मैनालीको अध्यक्षतामा गठन गरेको तीन सदस्यीय वार्ता टोलीमा स्वास्थ्य मन्त्रालयका सहसचिव डा गुणराज लोहनी र चिकित्सा शिक्षा आयोगका निर्देशक डा दीलिप शर्मा छन् ।
प्रकाशित मिति: बिहीबार, असोज २२, २०७७
-1732776560.jpg)
