मध्य एसियाली मुलुक किर्गिस्तानमा भइरहेको प्रदर्शनका क्रममा घाइते भएकाहरुको संख्या ९११ पुगेको छ ।
देशको स्वास्थ्य मन्त्रालयले यसअघि ७०० जना घाइते भएको जनाएकामा बुधबार ९११ जना घाइते भएको जानकारी दिएको हो ।
मन्त्रालयले कुल घाइते मध्ये झण्डै दुई सय जना प्रहरी पनि रहेको जनाएको छ । प्रदर्शनका क्रममा भएको झडपमा परी एक जनाको मृत्यु पनि भएको छ ।
संसदीय निर्वाचनको नतिजाप्रति असन्तुष्टि जनाउँदै किर्गिस्तानमा केही दिनदेखि प्रदर्शन भइरहेको छ । कुल घाइतेमध्ये १६९ जना पछिल्लो २४ घण्टामा घाइते भएको पनि अधिकारीहरुले जनाएका छन् ।
घाइते भएका मध्ये ७०५ जनालाई सामान्य उपचार पछि घर पठाइएको छ भने अरुको उपचार भइरहेको छ । त्यसैगरी घाइते भएका मध्ये २०५ जनाको अवस्था गम्भीर रहेको पनि अधिकारीहरुले जानकारी दिएका छन् ।
अस्पतालमा उपचार गराइरहेका मध्ये पाँच जनालाई अति सघन कक्षमा राखेर उपचार गरिएको मन्त्रालयले जनाएको छ ।
प्रकाशित मिति: बुधबार, असोज २१, २०७७
