काठमाडौं । ट्राफिक प्रहरीले काठमाडौं उपत्यकामा सवारीसाधन सञ्चालनमा लागू गरिएको जोरबिजोर प्रणालीमा कडाइ गरेको छ। आजसम्म जोरबिजोर उल्लंघन गर्ने एक हजार २२५ सवारीसाधनलाई कारबाही गरिएको ट्राफिक प्रहरीले जनाएको छ।
नियन्त्रणमा लिइएका सवारीसाधनमा एक हजार ३ दुई पाङ्ग्रे र २२२ वटा चार पाङ्ग्रे छन्। नम्बर प्लेटको अन्तिम अङ्कको आधारमा सवारीसाधनको जोर बिजोर छुट्याइएको छ।
कोरोना भाइरसको संक्रमण रोकथाम तथा नियन्त्रण गर्नको लागि काठमाडौं उपत्यकामा जोर बिजोर प्रणाली लागू गरिएको छ।
प्रकाशित मिति: बुधबार, असोज २१, २०७७
