पछिल्लो २४ घण्टाममा नेपालमा २२५३ जना कोरोना संक्रमित थपिएका छन्।स्वास्थ्य मन्त्रालयको नियमित प्रेस ब्रिफिङमा मन्त्रालयका प्रवक्ता डा जागेरशवर गौतमले सो जानकारी दिएका हुन् । हालसम्म संक्रमितको संख्या ८६ हजार ८ सय २३ पुगेका छन्।
आज १२ हजार ७८४ जनाको पीसीआर भएको छ । देशभर सक्रिय संक्रमित २२ हजार २१९ रहेका छन् । जसमा संस्थागत आइसोलेसनमा १० हजार ३२६ र होम आइसोलेसनमा ११ हजार ८९३ जना रहेका छन्
त्यस्तै मृतक थप ७ जनामा कोरोना पुष्टि भएको छ। यीसहित हालसम्म कोरोनाबाट मृत्यु हुनेको संख्या ५ सय ३५ रहेको छ।
यस अवधिमा १ हजार ३२९ जना कोरोनाबाट निको भएका छन्। यीसहित हालसम्म निको हुनेको संख्या ६४ हजार ६९ पुगेको छ।
प्रकाशित मिति: आइतबार, असोज १८, २०७७
-1732776560.jpg)
