काठमाडौँ -अनसनरत रहेका डाक्टर गोविन्द केसीलाई पूर्व राष्ट्रपति रामवरण यादवले भेटेका छन । गुणस्तरीय स्वास्थ्य सेवा र चिकित्सा शिक्षा लगायतका माग राखी २९ भदौमा जुम्लाको चन्दननाथनगरपालिका–६ स्थित बाबिरामष्ट मन्दिरमा अनसन थालेका उनी काठमाडौं आएको एक साता भईसकेको छ ।
विश्व अहिंसा दिवसका दिनको अवसरमा पूर्व राष्ट्रपतिले डा. केसीलाई भेटेका हुन ।भेटका अवसरमा पूर्व राष्ट्रपति यादवले पत्रकारहरुसँगको कुराकानीमा सरकारले डाक्टर केसीले उठाएका माग सम्बोधन गर्नुपर्ने बताएका छन । उनले भने, डाक्टर केसीले आमजनताका माग उठाउनुभएको छ। वार्ताबाट सरकारले समाधान खोज्नुपर्छ, ।
उनले डा. केसीको स्वास्थ्य अवस्था खराब हुदै गएकोले चाँडोभन्दा चाँडो माग सम्बोधन गर्न सरकारलाई आग्रह गरेका छन । आफ्नो ज्यानको प्रवाह नगरी सत्याग्रहमार्फत जनताको मागलाई उठाउँदै आएकाले डा. केसी राष्ट्रको सम्पत्तिको रुपमा रहेको टिप्पणी समेत पूर्वराष्ट्रपति डा. यादवले गरे ।
प्रकाशित मिति: शुक्रबार, असोज १६, २०७७
-1732776560.jpg)
