काठमाडौं । नेपालमा पछिल्लो २४ घण्टामा थप १ हजार २ सय ४ जनामा कोरोना भाइरसकाे संक्रमण पुष्टि भएकाे छ ।
स्वास्थ्य तथा जनसंख्या मन्त्रालयका प्रवक्ता डा जागेश्वर गौतमका अनुसार देशभरका प्रयाेगशालामा परीक्षण गर्दा साे संख्यामा संक्रमित थपिएका हुन् ।
काठमाडौं उपत्यकामा मात्रै ७ सय ११ संक्रमित भेटिएका छन् । काठमाडौंमा ५ सय ७० जना, भक्तपुरमा ३ र ललितपुरमा ५८ जनामा कोरोना पुष्टि भएको हाे ।
यससँगै नेपालमा कुल संक्रमितको संख्या ६२ हजार ७ सय ९७ पुगेको छ भने हाल देशभर १७ हजार १ सय २९ जना सक्रिय संक्रमित छन् ।
पछिल्लो २४ घण्टामा १० हजार ३ सय ३३ जनाको पिसिआर परीक्षण गरिएको र अहिलेसम्म ९ लाख ४ हजार ७ सय ६ जनाको परीक्षण गरिएको मन्त्रालयको तथ्यांक छ । हाल देशभर ७ हजार ७ सय ३५ जना क्वारेन्टाइनमा छन् ।
यसैगरी शनिबार थप १ हजार ४ सय ४७ जना निको भएर घर फर्किएका छन् । यससँगैहालसम्म ४५ हजार २ सय ६७ जना निको भएको मन्त्रालयले जानकारी दिएको छ । यो संख्या कुल संक्रमितको ७२ प्रतिशत हाे ।
यसैगरी पछिल्लाे २४ घण्टामा नेपालमा थप ११ जनाको काेराेनाका कारण मृत्यु भएको छ । योसहित नेपालमा कोरोना संक्रमणबाट मृत्यु हुनेको संख्या ४ सय १ पुगेको छ ।
प्रकाशित मिति: शनिबार, असोज ३, २०७७
-1732776560.jpg)
