काठमाडाैं । बिहीबार नेपालमा थप १ हजार २ सय ४६ जनामा कोरोना भाइरसकाे संक्रमण पुष्टि भएको छ ।
स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमका अनुसार पछिल्लो २४ घण्टामा देशभरका प्रयाेशालामा परीक्षण गर्दा सो संख्यामा संक्रमित थपिएका हुन् ।
यससँगै नेपालमा हालसम्म काेराेना संक्रमितकाे जम्मा संख्या ५९ हजार ५ सय ७३ पुगेको छ भने हाल सक्रिय संक्रमितकाे संख्या १६ हजार २ सय ४१ छ ।
बिहीबार काठमाडौं उपत्यकामा थप ६ सय १८ जनामा कोरोना भाइरसको संक्रमण पुष्टि भएको छ। त्यसमध्ये काठमाडौंका ५ सय ७, ललितपुरका ६१ जना र भक्तपुरका ५० जना छन्।
यसैगरी पछिल्लो २४ घण्टामा १ हजार २ सय ४३ जना कोरोनाबाट निको भएका छन् । यससँगै हालसम्म कोरोनाबाट निको हुनेको संख्या ४२ हजार ९ सय ४९ पुगेको छ ।
पछिल्लो २४ घण्टामा देशभरका प्रयोगशालामा १० हजार ६ सय ४१ जनाको पिसिआर परीक्षण गरिएको छ । आजसम्म ८ लाख ८२ हजार ९ सय १५ जनाको पिसिआर परीक्षण गरिएको छ ।
यसैगरी गत २४ घण्टामा ४ जनाको काेराेना संक्रमणका कारण मृत्यु भएकाे छ । यससँगै कोरोना संक्रमणबाट ज्यान गुमाउनेको संख्या ३ सय ८३ पुगेको गौतमले जानकारी दिए ।
प्रकाशित मिति: बिहीबार, असोज १, २०७७
-1732776560.jpg)
