पर्वत । नेपाल विद्युत् प्राधिकरण पर्वत वितरण केन्द्रमा कार्यरत १ कर्मचारीको विद्युतकाे पोलबाट खसेर सोमबार साँझ मृत्यु भएको छ।
पर्वतको कुश्मा नगरपालिका–७ खरेहामा विद्युत् मर्मतका लागि पोल चढेका ३५ वर्षीय भोलाराम शर्माको पोलबाट खसेर मृत्यु भएको हो।
बाग्लुङ नगरपालिका–१ रामरेखा घर भएका शर्माको पोलबाट खसेपछि उपचारका लागि पर्वत अस्पतालमा पुर्याउँदा मृत्यु भएको जिल्ला प्रहरी कार्यालय पर्वतका प्रहरी निरीक्षक बुद्धिप्रसाद सुवेदीले जानकारी दिए।
अवरुद्ध भएको विद्युत् लाइन मर्मतका लागि शर्मा साँझ साढे ७ बजे पोलमा चढेका थिए। उनलाई करेन्ट भने नलागेको वितरण कन्द्रले जनाएको छ। मृतक शर्मा नेपाल विद्युत् प्राधिकरणमा तेस्रो तहको इलेक्ट्रिसियन पदमा कार्यरत थिए।
शव परीक्षणका लागि पर्वत अस्पतालको शवगृहमा राखिएको छ। आज परीक्षण गरेर परिवारलाई बुझाइने प्रहरीले जनाएको छ।
प्रकाशित मिति: मंगलबार, भदौ ३०, २०७७
