काठमाडौँ । स्वास्थ्य तथा जनसंख्या मन्त्रालयले कोराेना संक्रमण पत्ता लगाउन गरिने पिसिआरका लागि तोकेको अधिकतम शुल्क २ हजार रुपैयाँ कार्यान्वयन गर्न निर्देशन दिएको छ ।
स्वास्थ्यमन्त्री भानुभक्त ढकालले आज निर्णय गर्दै घटेको शुल्कमा पिसिआर परीक्षण गराउन निर्देशन दिएका हुन् ।
स्वास्थ्य आपतकालीन सञ्चालन केन्द्रका प्रमुख एवं मन्त्रालयका सहप्रवक्ता डा समीरकुमार अधिकारीले सबै कोभिड– १९ परीक्षण गर्ने प्रयोगशाला, ७ वटै प्रदेशका सामाजिक विकास मन्त्रालयलाई पत्र लेख्दै पिसिआर परीक्षण शुल्क २ हजार कार्यान्वयन गराउन पत्राचार गरेका छन् ।
मन्त्रालयले आइतबार राष्ट्रिय तथा अन्तरराष्ट्रिय बजारमा पिसिआर परीक्षण गर्ने रिएजेन्ट र अन्य सामान घटेका आधारमा नेपालमा पनि २ हजार परीक्षण शुल्क तोकेको थियो ।
यसअघि मन्त्रालयले पिसिआर परीक्षणका लागि ४ हजार ४ सय रुपैयाँ तोकेको थियो । त्योभन्दा अघि पिसिआर परीक्षणका लागि मन्त्रालयले ५ हजार ५ सय रुपैयाँ शुल्क तोकेको थियो ।
नेपालमा अहिले सरकारी ४७ वटा प्रयोगशालामा पिसिआर परीक्षण हुँदै आइरहेको छ ।
प्रकाशित मिति: सोमबार, भदौ २९, २०७७
-1732776560.jpg)
