काठमाडाैं । काेराेना संक्रमणका कारण नेपालमा थप ३ जनाकाे मृत्यु भएकाे छ । मृत्यु हुनेमा कपिलवस्तुका २ जना र महाेत्तरीका १ जना छन् ।
कपिलवस्तुको शिवराज नगरपालिकाको एउटै गाउँका २ कोरोना संक्रमितको मृत्यु भएको छ । मृत्यु हुनेमा शिवराज नगरपालिका ५ की ४७ वर्षीया महिला तथा ५८ वर्षीय पुरुष छन् ।
महिलाको सोमबार बिहान लुम्बिनी प्रादेशिक अस्पतालको कोरोना विशेष अस्पताल बुटवल मृत्यु भएको हो भने पुरुषको भीम अस्पताल भैरहवामा मृत्यु भएको हो ।
यसैगरी महोत्तरी जिल्लाको लोहारपट्टी नगरपालिका–३ बस्ने एक ६० वर्षीय पुरुषको जनकपुरमा मृत्यु भएको छ।
कोरोना संक्रमणपछि ज्वरो र श्वासप्रश्वासमा समस्या भएपछि उपचारका लागि भदौ २२ गते प्रादेशिक अस्पताल जनकपुरमा भर्ना गरिएको उनको आइतबार मृत्यु भएको प्रदेश २ का स्वास्थ्य निर्देशनालयका निर्देशक डा. विजय झाले बताए ।
भदौ २२ गते अस्पताल भर्ना भएकै दिन उनको स्वाब संकलन गरी प्रयोगशाला पठाइएकोमा भदौ २४ गते उनी कोरोना पोजेटिभ रिपोर्ट आएको थियो ।
प्रकाशित मिति: सोमबार, भदौ २९, २०७७
-1732776560.jpg)
