काठमाडौं । सिन्धुपाल्चोकको बाह्रबिसे नगरपालिका वडा ७ स्थित घुम्थाङको भीरखर्क र नागपुजेमा शनिबार मध्यराति गएको पहिरोमा परी बेपत्ता भएकामध्ये थप २ जनाको शव भेटिएको छ।
शनिवार साँझसम्म ११ जनाको शव भेटिएकाे थियो। योसँगै भीरखर्क र नागपुजे पहिरोमा परी मृत्यु हुनेको संख्या १३ पुगेको छ । पहिरोमा परी अझै १८ जना बेपत्ता रहेको र उनीहरुको खोजी कार्य जारी रहेको वडा ७ का अध्यक्ष मीनबहादुर श्रेष्ठले जानकारी दिए।
'हिजी ११ जनाको शव भेटिएको थियो। आज बिहान थप २ जनाको शव भेटिएको छ,' वडाध्यक्ष श्रेष्ठले भने, 'अहिले पनि हामी बेपत्ताहरुको खोजीमा छौं।'
पहिरोले ३० घर पूर्ण रुपमा क्षति भएको नगरपालिकाका मेयर निमफुन्जो शेर्पाले जानकारी दिए। साथै उक्त पहिरोले ६० घर उच्च जोखिममा परेको उनले बताए।
प्रकाशित मिति: सोमबार, भदौ २९, २०७७
