काठमाडाैं । नेपालमा आइतबार थप १ हजार ३९ जनामा कोरोना भाइरसकाे संक्रमण पुष्टि भएको छ ।
स्वास्थ्य तथा जनसंख्या मन्त्रालयका प्रवक्ता डा. जागेश्वर गाैतमका अनुसार गत २४ घण्टामा देशभरका प्रयाेगशालामा गरिएकाे परीक्षणमा १ हजार ३९ संक्रमित थपिएका हुन् ।
आइतबार देशभर ९ हजार १ सय ६५ जनाकाे नमुना परीक्षण गरिएकाे गाैतमले जानकारी दिए ।
याेसँगै नेपालमा कोरोना संक्रमितको कुल संख्या ५४ हजार १ सय ५९ पुगेको छ । देशभर सक्रिय संक्रमितको संख्या १५ हजार १ सय १७ छ भने ६ हजार ५ सय ३६ जना क्वारेन्टाइनमा छन् ।
यसैबीच काठमाडौँ उपत्यकामा आइतबार थप ५ सय ९७ जनामा कोरोना देखिएकाे छ । जसअनुसार काठमाडौँमा ४ सय ८३, भक्तपुरमा ८१ र ललितपुरमा ३३ जना कोरोना संक्रमित थपिएका हुन् ।
यसैगरी गत २४ घण्टामा १ हजार १ सय ७३ जना काेराेनामुक्त भएर डिस्चार्ज भएका छन् । यससँगै काेराेनामुक्त हुनेकाे संख्या ३८ हजार ६ सय ९७ पुगेकाे छ ।
यसैगरी पछिल्लाे २४ घन्टामा कोराेना संक्रमणका कारण थप ९ जनाको मृत्यु भएको छ ।
यससँगै नेपालमा हालसम्म ३४५ जनाको कोरोना भाइरसका कारण मृत्यु भइसकेको छ ।
प्रकाशित मिति: आइतबार, भदौ २८, २०७७
-1732776560.jpg)
