काठमाडौं । ललितपुरको कुपण्डोलस्थित बिध ल्याबले अब २ हजार रुपैयाँमै कोरोनाकाे पिसिआर परीक्षणगर्ने भएकाे छ ।
दैनिक कोरोना संक्रमितको संख्या बढिरहेका बेला बिधले २ हजारमै परीक्षण गर्ने जनाएकाे हाे ।
यसअघि व्यक्तिगत खर्चमा पिसिआर गर्दा ४ हजार रुपैयाँ लिँदै आएकाे बिधले आधा घटाएर २ हजार रुपैयाँमै परीक्षण सुरु गरेको हो ।
अन्तर्राष्ट्रिय बजारमा किटको मूल्य घटेसँगै नेपालमा पनि पिसिआर टेस्टको शुल्क घटाइएको कम्पनीका सञ्चालक भीम भण्डारीले जानकारी दिए ।
बढ्दो संक्रमणलाई मध्यनजर गर्दै परीक्षणको दायरा बढाउनका लागि ३० दिनसम्मका लागि परीक्षण शुल्क घटाएको ल्याबले जनाएको छ ।
ल्याबले दैनिक ४ हजारभन्दा बढी नमुना परीक्षण गर्न सकिने जनाएको छ ।
प्रकाशित मिति: आइतबार, भदौ २८, २०७७
-1732776560.jpg)
