डडेल्धुरा । डडेल्धुरा अस्पतालले २ हजार ५ सय रुपैयाँमा पिसिआर जाँच गर्ने भएको छ ।
आफ्नै खर्चमा कोरोना जाँच गर्न इच्छुककाे नमुना २ हजार ५ सय रुपैयाँ शुल्क लिएर जाँच गरिने अस्पतालले जनाएको छ ।
यसअघि अस्पतालले आपतकालीन अवस्थामा १ घण्टाभित्र पिसिआर रिपोर्ट दिने जनाएको थियो । स्वास्थ्य आपतकालीन तथा विपद् व्यवस्थापन एकाईको पत्र र अस्पताल विकास समितिको निर्णयानुसार सो शुल्कमा पिसिआर जाँच गर्न सकिने अस्पतालले जनाएको छ।
साधारण अवस्थामा नेपाल सरकारले जाँच गरिरहेको परिधिभित्र नपरेकाहरुलाई सो शुल्कमा पिसिआर जाँच गर्न सकिने अस्पतालका मेसु जगदीशचन्द्र विष्टले बताए । डडेल्धुरा अस्पतालमा आजसम्म ३ कोरोना भाइरस संक्रमित छन् ।
२ सातायता अस्पतालमा भर्ना भएका उनीहरुको स्वास्थ्य अवस्था सामान्य रहेको र आज दोस्रो रिपोर्ट पनि पोजेटिभ आएको अस्पतालका सूचना अधिकारी टंकप्रसाद पन्तले बताए ।
प्रकाशित मिति: बिहीबार, भदौ २५, २०७७
-1732776560.jpg)
