भाेजपुर । जिल्ला प्रहरीले कार्यालय भोजपुरले कुटपिट गरी भाउजूको हत्या गरेको अभियोगमा देवरलाई पक्राउ गरेको छ।
टेम्केमैयुङ गाउँपालिका–५ खावाका ३५ वर्षीय राजकुमार राईले ४८ वर्षीया भाउजू केशरमाया राईलाई कुटपिट गरी हत्या गरेको अभियोगमा नियन्त्रणमा लिएको हो ।
गत २२ गते राति घरायसी विवादमा राजकुमारले केशरमायालाई कुटपिट गरेको प्रहरीले जनाएको छ।
कुटपिटपछि डिलबाट हुत्याएर आफू घर आएको र बिहान हेर्दा घर छेउको सुँगुरको खोरमा केशरमाया मृत अवस्थामा भेटिएको प्रारम्भिक अनुसन्धानबाट खुलेको जिल्ला प्रहरी कार्यालयका प्रमुख कृष्णकुमार चन्दले जानकारी दिए।
राजकुमारलाई प्रहरीले नियन्त्रणमा लिई अनुसन्धान थालेको छ। मृतकको शवलाई परीक्षणका लागि जिल्ला अस्पताल ल्याइएको प्रहरीले जनाएको छ ।
प्रकाशित मिति: बिहीबार, भदौ २५, २०७७
