काठमाडौं । कोरोना भाइरस संक्रमणको जोखिम बढेसँगै भदौ ३ गतेदेखि लागू गरिएको काठमाडौं उपत्यकाको निषेधाज्ञा आजदेखि केही खुकुलो पारिएको छ ।
उपत्यकाका ३ जिल्ला प्रशासन कार्यालयले ३ सातादेखि लगाइएको निषेधाज्ञालाई खुकुलो पार्दै व्यापार–व्यवसाय खोल्न र निजी तथा सार्वजनिक सवारीसाधन जोरबिजोर प्रणालीमा सञ्चालन गर्न दिने निर्णय गरेका छन् ।
जनजीवनमा पारेको असरलाई मध्यनजर गर्दै ३१ भदौसम्म थप गरिएको निषेधाज्ञालाई केही सहजीकरण गरिएको काठमाडौंका प्रमुख जिल्ला अधिकारि जनकराज दाहालले बताएका छन्।
नयाँ आदेश अनुसार बिहीबारदेखि सवारी साधन जोर–बिजोर प्रणालीका आधारमा सञ्चालन हुने छन् । स्वास्थ्य सुरक्षा मापदण्ड अपनाएर उद्योग र खलकारखाना खोल्न पाइने छ ।
निषेधाज्ञा खुकुलो भए पनि भेला हुन, जुलुस गर्न, भीडभाड र जात्रा, महोत्सवमा सहभागी हुन, मन्दिर र चर्चामा नित्य पूजाबाहेक गतिवविधि गर्न, कलकारखाना र व्यवसयायमा भीडभाड हुने कामग गर्न, शैक्षिक संस्था सञ्चालन गर्न, गोष्टी गर्न, सिनेमा घर खुला गर्न, शैलुन, ब्यूटी पार्लर स्पा सञ्चालन गर्न, पुस्तकालय, चिडियाखाना खोल्न र स्वास्थ्य मापदण्ड विपरित श्रमिक र कामदार ओसारपसार गर्न पाइने छैन ।
खाद्यवस्तु, दूध तथा दूग्धजन्य पदार्थ, फलफूल, तरकारी, माछा/मासुको पसल बिहान ११ बजेसम्म र बेलुका ५ देखि ७ बजेसम्म सञ्चालन गर्न पाइनेछ ।
त्यस्तै निजी कार्यालय, होटल पनि खोल्न पाइने छ । तर, त्यसका लागि कोभिड-१९ सँग सम्बन्धित मापदण्डको पूर्ण पालना गर्नुपर्ने हुन्छ । होटल पनि निश्चित अवधिका लागि मात्र खोल्ने दिइने छ ।
पार्टी प्यालेस, फिटनेस क्लब, मनोरञ्जन क्षेत्र, शैक्षिक संस्थानमाथि प्रतिबन्ध भने कायम नै राखिएको छ ।
जोरबिजोर प्रणाली लागू भएसँगै बिहीबार बिजोर नम्बरका सवारी साधन सञ्चालनमा आएका छन् । यसअघि बुधबारबारसम्म अत्यावश्यक बाहेकका सवारीसाधन मात्र चल्दा फाट्टफुट्ट मात्र सवारी साधन देखिएका सडकमा आज सवारी साधनको चाप बढेको छ ।
चालकसहित ३ जनासम्म चलाउन पाउने भएपछिसडकमा ट्याक्सी पनि चल्न थालेका छन् । ३ सातादेखि ठप्प रहेकाे काठमाडाैंकाे जनजीवन सामान्य बन्न थालेकाे छ ।
प्रकाशित मिति: बिहीबार, भदौ २५, २०७७
-1732776560.jpg)
