काठमाडौँ । काठमाडौ उपत्यकाको निषेधाज्ञा बिहीबारबाट केही खुकुलो बनाइएकाे छ । उपत्यकाका ३ वटै जिल्लाका प्रमुख जिल्ला अधिकारीहरुको बैठकले भदौ ३ यता जारी निषेधाज्ञा भदौ २५ गतेबाट खुकुलो पार्दै व्यापार, व्यवसाय र उद्योग धन्दा चलाउन शर्तसहित अनुमति दिएको हो ।
यातायातका हकमा जाेरबिजाेर प्रणाली लागू गरिएकाे छ भने व्यापार व्यवसायलाई बारअनुसार खाेल्न दिने निर्णय भएकाे हाे ।
भाडाका ट्याक्सीको हकमा चालकसहित ३ जना र परिवारभित्रका ५ वर्ष मुनिका बालबालिक २ जनासम्म राखेर सञ्चालन गर्न पाइने छ ।
निजी सवारी साधनहरु स्वास्थ्य मापदण्ड पालना गरेर सञ्चालन गर्न सकिने छ ।
सपिङ मल, फेन्सी स्टोर, कपडा पसल, जुत्ता पसल, कस्मेटिक पसलहरु सोमबार, बुधबार र शनिबार मात्र खुल्न पाउने छन् । यसैगरी भाँडा र भान्साजन्य साथै सोही प्रकृतिका अन्य पसलहरु साताको आइतबार, मंगलबार र शुक्रबार मात्र खोल्न पाइने छ।
फर्निचर र अटोमोबाइल सम्बन्धी पसलहरु सातामा सोमबार र बुधबार मात्र खुल्ने छन् ।
यसैगरी नयाँ आदेशअनुसार फुटपाथ पसल र ठेलाको व्यापार विहान ११ बजेसम्म र बेलुकी ४ देखि ७ बजेसम्म खोल्न सकिने छ ।
सवारी साधनमार्फत सम्बन्धी वर्क सप विहान ८ देखि बेलुका ८ बजेम्म मात्र सञ्चालन गर्न सकिने तर स्वास्थ्य मापदण्ड अनिवार्य पालना गर्नुपर्नेछ ।
उद्योग, कलकारखाना सञ्चालन गर्दा कामदारहरुको खाने बस्ने व्यवस्थाका लागि अनिवार्य रुपमा उद्योग परिसरमै व्यवस्था गर्नुपर्नेछ ।
हेर्नुहाेस् काठमाडाैं प्रशासनले जारी गरेकाे आदेशः
प्रकाशित मिति: बुधबार, भदौ २४, २०७७
-1732776560.jpg)
