पाेखरा । गण्डकी प्रदेशमा कोरोना संक्रमणबाट थप १ जनाको मृत्यु भएको छ।
प्रदेश स्वास्थ्य निर्देशनालयका अनुसार नवलपुरको देवचुली नगरपालिका–१ का ६४ वर्षीय पुरुषको मंगलबार साँझ ५ः३० बजे उपचारका क्रममा चितवनको कोभिड अस्पतालमा मृत्यु भएको हो।
निजको केही समयदेखि मिर्गौलाले काम नगरेका कारण डाइलासिस भइरहेको र यही भदौ १९ गते कोभिड–१९ संक्रमणसहित खोकी र श्वासप्रश्वासमा समस्या भई अवस्था जटिल बन्दै गएपछि उनलाई सघन उपचार कक्षमा सारिएको थियो ।
हालसम्म गण्डकी प्रदेशमा कोरोनाबाट मृत्यु हुनेको सङ्ख्या २२ पुगेको छ ।
त्यस्तै आज बिहान कास्कीको पोखरामा ९ र बाग्लुङ तथा नवलपरासी (बर्दाघाट सुस्ता पूर्व)मा १-१ जना गरी प्रदेशमा थप ११ जनामा कोरोना संक्रमण पुष्टि भएको गण्डकी प्रदेश स्वास्थ्य निर्देशनालयले जनाएको छ ।
गण्डकीमा हालसम्म संक्रमितको सङ्ख्या २ हजार ६ सय ७२ पुगेको गण्डकी प्रदेश कोरोना रोकथाम तथा नियन्त्रण कार्यक्रमका प्रवक्ता डा विनोद विन्दु शर्माले जानकारी दिए।
प्रकाशित मिति: बुधबार, भदौ २४, २०७७
-1732776560.jpg)
