काठमाडौं । प्रमुख प्रतिपक्षी नेपाली कांग्रेसका महामन्त्री डा. शशांक कोइरालालाई कोरोना भाइरसकाे संक्रमण पुष्टि भएको छ।
मंगलबार बिहान धुम्बाराहीस्थित ह्याम्स अस्पतालमा गरिएको उनको पिसिआर परीक्षण रिपोर्ट पोजेटिभ आएको हो ।
यसअघि उनले गरेको परीक्षणमा काेराेना पोजेटिभ आएपछि फेरि परीक्षण गरिएको थियो । दोस्रो परीक्षण रिपाेर्ट पनि पोजेटिभ आएकाे काेइरालाकाे सचिवालयले जनाएकाे छ ।
कोरोना देखिए पनि उनलाई कुनै लक्षण भने देखिएको छैन । कोरोना संक्रमण भएपछि कोइराला बुढानीलकण्ठस्थित घरमै आइसोलेसनमा बसेका छन् ।
प्रकाशित मिति: मंगलबार, भदौ २३, २०७७
-1732776560.jpg)
