काठमाडाैं । सोमबार नेपालमा थप ९ सय ७९ जनामा कोरोना भाइरसकाे संक्रमण पुष्टि भएको छ ।
स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमका अनुसार पछिल्लो २४ घण्टामा ९ हजार २ सय १८ जनाकाे पिसिआर परीक्षण गर्दा सो संख्यामा संक्रमित थपिएका हुन् ।
यससहित देशभर हालसम्म संक्रमित हुनेको संख्या ४७ हजार २ सय ३६ पुगेको छ भने हाल सक्रिय संक्रमितकाे संख्या १६ हजार २ सय ५९ छ ।
साेमबार थपिएकामध्ये काठमाडाैं उपत्यकाका ३ सय २६ जना छन् । गाैतमका अनुसार काठमाडौंमा २ सय ९३, ललितपुरमा २० र भक्तपुरमा १३ जना संक्रमित थपिएका हुन् ।
त्यस्तै पछिल्लो २४ घण्टामा १ हजार ७ सय ३६ जना कोरोनाबाट निको भइ घर फर्किएका छन् । यीसहित हालसम्म निको हुनेको संख्या ३० हजार ६ सय ७७ पुगेको छ ।
यसैगरी पछिल्लाे २४ घन्टामा देशभरमा थप ११ जनाकाे काेराेनाका कारण मृत्यु भएको छ । यससँगै हालसम्म कोरोनाबाट मृत्यु हुनेको संख्या ३ सय पुगेको छ ।
प्रकाशित मिति: सोमबार, भदौ २२, २०७७
-1732776560.jpg)
