गोरखा । गोरखाकी १ वृद्धामा मृत्युपछि कोरोना संक्रमण पुष्टि भएको छ।
गोरखा नगरपालिका–७ की ७५ वर्षीया वृद्धाको शनिबार मृत्यु भएको थियो । मृत्युपछि आएकाे उनकाे पिसिआर रिपाेर्टमा काेराेना संक्रमण देखिएकाे हाे ।
उनको परिवारका ३ सदस्यमा कोरोना देखिएपछि शनिबार ती वृद्धाको पनि स्वाव संकलन गरी जनस्वास्थ्य प्रयोगशाला पोखरा पठाइएको थियो ।
आइतबार आएकाे पिसिआर रिपोर्ट पोजेटिभ आएको जिल्ला अस्पतालले जनाएको छ । शनिबार बेहोस अवस्थामा अस्पताल भर्ना गरिएकी ती वृद्धाको शनिबार नै मृत्यु भएको थियो ।
अस्पतालका अनुसार ती वृद्धा मस्तिष्काघातबाट पीडित थिइन् ।
प्रकाशित मिति: आइतबार, भदौ २१, २०७७
-1732776560.jpg)
