काठमाडौं । श्रीमतीक हत्या गरेको आरोपमा काठमाडौं महानगरपालिका-२९ अनामनगर बस्ने बर्दिया बाँसगढी नगरपालिका-९ घर भएका ३६ वर्षीय अजय विकलाई प्रहरीले पक्राउ गरेको छ।
छुरा प्रहार गरी आफ्नै श्रीमती ३३ वर्षीया पार्वती खड्काको हत्या गरेको अभियोगमा उनलाई प्रहरीले पक्राउ गरेको हो ।
घरायसी विवादमा विकले पार्वतीलाई छुरा प्रहार गर्दा गम्भीर घाइते भएको भन्ने खबर प्राप्त हुनासाथ महानगरीय प्रहरी वृत्त सिंहदरबारबाट खटिएको प्रहरीले उनलाई पक्राउ गरेको हो।
छुरा प्रहारबाट घाइते बनेकी पार्वतीको बानेश्वरस्थित सिभिल अस्पतालमा उपचारको क्रममा मृत्यु भएको हो।
प्रकाशित मिति: शुक्रबार, भदौ १९, २०७७
