धनुषा । धनुषामा १ भारतीय मजदूरको कोरोना संक्रमणबाट मृत्यु भएको छ ।
यससमेत गरी धनुषामा कोरोनाको संक्रमणबाट मृत्यु हुनेको सङ्ख्या १३ पुगेको छ । क्षीरेश्वरनाथ नगरपालिका–३ को रमदैयास्थित लोमस प्यारेन्टल एन्ड फर्मुलेसन उद्योगमा कार्यरत भारत, आन्ध्र प्रदेश विशाखापटनम बस्ने ६५ वर्षीय ती मजदुरको बिहीबार बिहान मृत्यु भएको र कोरोना पुष्टि आज भएको हो ।
३ दिनदेखि ज्वरो र झाडापखाला आएकाले कोरोनाको कारण मृत्यु भएको आशंकामा उनको स्वाब संकलन गरी जनकपुरस्थित प्रादेशिक प्रयोगशालामा परीक्षण गरिएको थियो । ती व्यक्तिमा कोरोना पुष्टि भएको स्वास्थ्य निर्देशनालयका सहनिर्देशक विजयकुमार झाले जानकारी दिए । नेपाली सेनाको टोलीले बिहीबार नै शव व्यवस्थापन गरिसकेको छ ।
यता, काेराेना भाइरसकाे संक्रमणका कारण रुपन्देहीमा थप १ जनाकाे मृत्यु भएकाे छ । यससँगै जिल्लामा शुक्रबार एकैदिन ३ जनाकाे मृत्यु भएकाे छ।
सिद्धार्थनगर-८ का ४५ वर्षीय पुरुषको हाेम आइसाेलेसनमा बसेका बेला शुक्रबार बिहान ८ बजे मृत्यु भएको हो ।
क्यान्सर तथा मिर्गौलाकाे बिरामी रहेका उनी डायालासिस गराउन अस्पताल जाने तयारी गरेका बेला मृत्यु भएको बताइएकाे छ ।
प्रकाशित मिति: शुक्रबार, भदौ १९, २०७७
-1732776560.jpg)
