काठमाडाैं । नेपालमा पछिल्लो २४ घण्टामा थप १ हजार २ सय २८ जना कोरोना भाइरसका संक्रमित थपिएका छन् ।
गत २४ घण्टामा गरिएको १३ हजार ४ सय १३ जनाकाे पिसिआर परीक्षण गर्दा ८ सय ३४ पुरुष र ३ सय ९४ महिलामा कोरोना भाइरस पोजेटिभ देखिएको स्वास्थ्य मन्त्रालयका प्रवक्ता डा जागेश्वर गाैतमले जनाए ।
यसैगरी उपत्यकामा मात्रै थप ४ सय ४५ जनामा कोरोना भाइरस संक्रमण पुष्टि भएको छ । गौतमले काठमाडौंमा ३ सय ५७, ललितपुरमा ४६ र भक्तपुरमा ४२ जनामा कोरोना पुष्टि भएको जानकारी दिए ।
यससँगै हालसम्म संक्रमितको संख्या ४२ हजार ८ सय ७७ पुगेको छ । हाल सक्रिय संक्रमितकाे संख्या १८ हजार ४ सय १३ छ ।
यस्तै पछिल्लो २४ घण्टामा ९ सय १७ जना कोरोनाबाट मुक्त भई घर फर्किएका छन् । यीसहित हालसम्म कोरोनाबाट निको हुनेको संख्या २४ हजार २ सय ७ पुगेको छ ।
यसैगरी पछिल्लाे २४ घन्टामा देशभर ६ जनाकाे काेराेना संक्रमणका कारण मृत्यु भएकाे छ । मृत्यु हुनेमा ४ जना महिला र २ जना पुरुष छन् ।
यससँगै नेपालमा काेराेनाबाट मृत्यु हुनेकाे संख्या २ सय ५७ पुगेकाे छ ।
प्रकाशित मिति: बिहीबार, भदौ १८, २०७७
-1732776560.jpg)
