बुटवल । रुपन्देहीमा बुधबार थप १ जना काेराेना संक्रमितकाे मृत्यु भएकाे छ ।
भैरहवाको भीम अस्पतालमा बुटवल उपमहानगरपालिका वडा नंं ६ सब्जीमण्डीका कोरोना संक्रमित ५७ बर्षीय पुरुषको मृत्यु भएको हाे ।
अस्पतालका सूचना अधिकारी डा. नारायण पोखरेलका अनुसार भदौ १५ गतेदेखि आईसीयूमा उपचाररत उनलाई बुधबार दिउँसो ३ बजे हृदयघात भएको र साढे ३ बजे मृत्यु भएको हो ।
यसअघि मुटु रोगको बिरामी समेत रहेका पुरूषमा भदौ १३ गते कोरोना संक्रमण पुष्टि भएको थियो। आइसियूमा राखेर उपचार गर्नुपर्ने भएपछि बुटवलमा आइसियू बेड नभएपछि लुम्बिनी प्रादेशिक अस्पतालले भदौ १५ गते भैरहवा रिफर गरेको थियो।
प्रकाशित मिति: बुधबार, भदौ १७, २०७७
-1732776560.jpg)
