पाल्पा । पाल्पाको तिनाउ गाउँपालिका-३ स्थित श्रीडाँडामा ढुंगासहितको पहिरो खस्दा गए राति एक जनाको मृत्यु भएको छ।
मृत्यु हुनेमा माथागढी गाउँपालिका–७ रहवासकी २९ वर्षीया समीक्षा सोमै रहेको जिल्ला प्रहरी कार्यालय पाल्पाका प्रहरी उपरीक्षक मदन गिरीले जानकारी दिए।
पहिरो खस्दा घाइते भएकी सोमैको बुटवलस्थित लुम्बिनी सिटी अस्पतालमा उपचारका क्रममा गए राति मृत्यु भएको गिरीले बताए ।
पहिराले च्यापेर सोमैकी ३ वर्षीया छोरी करिष्मा घाइते भएकी छन् । उनको लुम्बिनी सिटी अस्पतालमा उपचार भइरहेको छ।
प्रकाशित मिति: बुधबार, भदौ १७, २०७७
