काठमाडाैं । काेराेना भाइरसकाे संक्रमणका कारण भैरहवा र वीरगन्जमा १-१ जनाकाे मृत्यु भएकाे छ ।
भैरहवाको भीम अस्पतालमा उपचाररत नवलपरासी पश्चिम, रामग्राम–५ की ६५ वर्षीया महिलाको मंगलबार राति ९ः४५ बजे मृत्यु भएको अस्पतालले जनाएकाे छ ।
जिल्ला स्वास्थ्य कार्यालय रुपन्देहीका कोरोना फोकल पर्सन केदारनाथ शाहका अनुसार मृतक महिलालाई उच्च रक्तचाप, मधुमेह लगायतको समस्यासमेत थियो।
भदौ १४ गते कोरोना संक्रमण पुष्टि भएपछि भीम अस्पतालकाे आइसियुमा उपचार गरिरहेकोमा मंगलबार राति मृत्यु भएको शाहले जानकारी दिए।
यता, वीरगन्जस्थित अस्थायी कोभिड अस्पतालमा उपचाररत १ कोरोना संक्रमितको पनि मृत्यु भएको छ ।
बाराको सिम्रौनगढ नगरपालिकाका ९७ वर्षीय पुरुषकाे उपचारका क्रममा मृत्यु भएकाे अस्पतालले जनाएको छ । भदौ १२ गते तराई अस्पतालमा उपचार गराउन आएका ती वृद्धको पिसिआर परीक्षण गर्दा संक्रमण पुष्टि भएपछि भदौ १४ गते आइतबार कोभिड अस्पताल गण्डकमा भर्ना गरिएको थियाे ।
मुटु रोगी समेत रहेका ती वृद्धमा सोडियमको मात्रा पनि बढी रहेको अस्पतालले जनाएको छ ।
प्रकाशित मिति: बुधबार, भदौ १७, २०७७
-1732776560.jpg)
