काठमाडाैं । सोमबार नेपालमा देशभर थप ८ सय ९९ जनामा काेराेना भाइरसकाे संक्रमण पुष्टि भएकाे छ ।
स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमका अनुसार विगत २४ घण्टामा गरिएकाे ११ हजार १ सय २९ जनाकाे पिसिआर परीक्षणमा ३ सय ३ जना महिला र ५ सय ९६ जना पुरुषमा संक्रमण देखिएकाे हाे ।
यससँगै हालसम्म संक्रमित हुनेको कुल संख्या ३९ हजार ४ सय ६० पुगेको छ भने हाल सक्रिय संक्रमितकाे संख्या १७ हजार ८ सय २२ छ ।
साेमबार थपिएकामध्ये काठमाडाैं उपत्यकाका २ सय ९८ जना छन् । काठमाडाैं जिल्लामा १ सय ९० जना, भक्तपुरमा ४१ जना र ललितपुरमा ६७ जनामा संक्रमण देखिएकाे हाे ।
यसैगरी पछिल्लो २४ घण्टामा थप ५ सय ८८ जना कोरोना संक्रमणमुक्त भएका छन् । योसहित नेपालमा हालसम्म २१ हजार ४ सय १० जना उपचारपछि निको भएका छन् ।
यसैगरी पछिल्लाे २४ घन्टामा ४ वर्षीया बालिकासहित ७ जनाकाे मृत्यु भएकाे छ ।
मृत्यु हुनेमा महाेत्तरीकी ४ वर्षीया बालिका, गाेरखाकी ६५ वर्षीया महिला र रुपन्देहीकी ६८ महिला छन् ।
यसैगरी झापाका ८६ वर्षीय राैतहटका ४० वर्षीय चितवनका ७८ वर्षीय र भक्तपुरका ७७ वर्षीय पुरुषकाे पनि काेराेनाका कारण मृत्यु भएकाे छ ।
यससँगै नेपालमा काेराेनाका कारण मृत्यु हुनेकाे संख्या २ सय २८ पुगेकाे छ ।
प्रकाशित मिति: सोमबार, भदौ १५, २०७७
-1732776560.jpg)
