काठमाडाैं । कालिकाेट जिल्लाको तिलागुफा नगरपालिका १ नाग्म बजारमा गएको पहिरोमा परी ४ जनाकाे मृत्यु भएकाे छ ।
आइतबार बिहान साढे ७ बजेतिर गएको पहिरोमा परी पुरिएर नाग्म बजारका स्थानीय ४ जनाको मृत्यु भएको जिल्ला प्रहरी प्रमुख डिएसपी श्यामबाबु ओलीयाले जानकारी दिए ।
पहिरोमा ४० वर्षीय पर्याक शाही, उनकी ७ वर्षीया छोरी हिमा शाही, ५ वर्षीय छोरा निराजन शाही र २ वर्षीय छोरा अक्कल शाहीको मृत्यु भएको हो ।
जीवितै उद्धार गरिएका पुन्या शाही र स्थानीय अर्जुन हमाललाई उपचारका कर्णाली स्वास्थ्य विज्ञान प्रतिष्ठान जुम्ला पठाइएको छ ।
उक्त पहिरोमा परी ३ जना अझै बेपत्ता छन् । स्थानीय मनवीर कटुवाल, आइती खड्का र उनको मासु पसलमा मासु काट्ने व्यक्ति बेपत्ता रहेकाे र खाेजी भइरहेकाे प्रहरीले जनाएकाे छ ।
बिहान घरमाथिबाट आएको पहिरोले ५ वटा घर पुरेको प्रहरीले जनाएकाे छ ।
प्रकाशित मिति: आइतबार, भदौ १४, २०७७
