काठमाडाैं । नेपाली सेनाका सहायकरथी विनयविक्रम राणा उपरथीमा बढुवा सिफारिस भएका छन् ।
सैनिक मुख्यालयले राणालाई उपरथीमा बढुवा गर्न सिफारिस गरेको पत्र मंगलबार रक्षामन्त्रालय पुगेको छ ।
अब बस्ने मन्त्रिपरिषदको वैठकले राणालाई उपरथीमा बढुवा गर्ने निर्णय गर्ने छ । उनलाई सेनाको पश्चिम पृतनाको पृतनापतिमा बढुवासहित सरुवा गर्ने निर्णय समेत भएको छ ।
राणा सेनामा प्रधानसेनापतिसम्म पुग्न सक्ने सैनिक अधिकारी हुन् । सहायकरथी राणा हाल सैनिक सचिवको रुपमा कार्यरत छन् ।
प्रकाशित मिति: बिहीबार, भदौ ११, २०७७
